فضيحه

بعد التحية والسلام ...



القصة تقول أن فيه بنت تدرس في الثانوية واسمها ( عبير ) مره راحت السوق مع امها
وقابلت واحد واعطاها الرقم واتصلت عليه تعرفت عليه وهو اسمه ( خالد ) تعرفوا على بعض وزادت العلاقة وقوت بينهم ..
كلا منهم يبي يقابل الثاني ولا لقوا طريقة وفجأة جت فكره لخالد .
قال أقول عبير ورى مانتقابل عند المدرسة ..
قالت عبير كيف وضح ؟
قال أسمعي انتي ابوك ينزلك الصباح ويروح الدوام صح ؟
قالت : صح
قال انا امرك وتركبين معي
قالت بس المديرة بتكلم على البيت
قال افصلي التلفون وارتاحي
قالت بس خايفه اتوهق
قال جربى ونشوف


المهم راح ابو عبير ووصل عبير للمدرسه ومشى ..
وثواني الا وخالد واقف وركبت عبير بسرعة وراحوا افطروا في ذا الكوفي شوب الفخم وجلسو يسولفون ويوم تمت الساعة 12.15 راح خالد ونزل عبير ورجعت البيت وهي خايفه بس محد درى وكلمت خالد على طول وقالت انا اهلها مادروا وطمنته وسولفوا شوى وقال خالد وش رايك اقابلك بكره
قالت : لا لا لا مو كل مره تسلم الجره
قال : المره ذي جايبلك هديه
قالت : مر واشوف الوضع ومر خالد في الوقت نفسه وركبت عبير المهم اخذوا على هالحال اسبوع كامل من السبت الى الاربعاء


وجاء يوم السبت اليوم اللي نست فيه عبير تفصل التليفون .. وطلعت مع خالد ......
ولا التليفون يرن قامت ام عبير ( يالله صباح خير )
ام عبير : الو
المديره : الو السلام عليكم
ام عبير : عليكم السلام من تتكلم ؟
المديره : انا الاستاذه هدى مديرة المدرسة الى تدرس فيها بنتك
ام عبير : هلا عسى ماشر
المديرة : لا مافيه الا الخير بس عبير لها اسبوع ماداومت عسلى ماهي مريضة ؟
ام عبير : كيف ( وصرفت الموضوع ) ايه الله يسلمك البنت مرضت شوى بس
المديرة : زين الف حمد الله على سلامتها مع السلامة
ام عبير دارت بها الدنيا وماتدري اش تسوي هل تعلم ابو عبير ولا تمسك البنت وتسألها ؟
المهم قالت لابو عبير عن كل شي وقال اسمعي لا تقولين لها أي شي انا بشوف وين بتروح
ويوم الاحد وصل ابو عبير بنته ومشى شوى وصفط يمين الا هاك اللكزس تمر وتركب عبير بنته كانت مضلله ومشى وراها ابو عبير الين هاك الشقق ونزلت عبير وخالد ووقف ابو عبير ونزل ومسك راعى الشقق وقاله في أي شقه ؟ وعلمه شقه 14 وطلع ابو عبير وهو يرقى الدرج كان خالد نازل وما انتبه له له المهم طق الباب وفتحت عبير وانصدمت


يوم شافت ابوها وضربها وهي هجت للمطبخ واخذت السكينة تبي تروع ابوها وغلطت وطعنته في صدره وطاح الابو مغمى عليه وجا خالد وشاف الموقف وقال لعبير بسرعه شيلي معي للحمام وحطوه في( البانيو )
وملوه مويه وحطوا عليه صابون الغسيل عشان الرغوه وطلعوا ورجعت البنت للمدرسه وهي تفكر في اللي صار الحقيقه ولا خيال .. المهم طلعت من المدرسه ورجعت مع الباص وطقت باب البيت الا المفاجأة الغريبة ابوها فتح لها ..
وصاااااااااااحت وقالت : أبوي مو معقول
رد أبوها :































































مع تايد للغسيل مافيش مستحيل